الجمعة، 24 سبتمبر، 2010

الفيس بوك


وحكايتنا نهاردة مع الفيس بوك
انا والفيس بوك
واسلام والفيس بوك
طبعا هتقولولى انتى والفيس بوك
طيب
لكن مين اسلام
نخلينا فى حكاية اسلام
اسلام ياحلوين
حبيب قلبى
دة بن خالتى وانا فى مثابة اخت كبيرة له
بجد هو حد جدع جدا وطيوب اوى
دة غير انة وسيم
ومعاه عربية احدث موديل
وكمان فى كلية الهندسة
يعنى كلها سنة ولا 2
وخلاص ونقوولة يابشمهندز
سى الباشمهندز اسلام مستقبلا ويارب بدون مقاطعة
اتعرف على ياسمين
ازاى
من الفيس بوك الله انا فى حلم ولا علم
فيس بوك ياادى العار
اول مرة تحصل فى عليتنا
المهم
الكلام جاب كلام
ومن كلام لحب وهيام
بيموت فيها
مكنتش مصدقة ان الموضوع هيتتطور لكدة
واستغربت ازاى ان بنت تتكلم مع حد متعرفهوش من الاول
بس انا فعلا تعاملت مع ياسمين ولقتها حد كويس جدا وبنت ناس جدا جدا
وكل حلم سلمونتى زى مابدل
عة
انة يخلص كلية ويتقدم لياسمين
مانساش لما كنا راجعين من فرح صحبتى وهو بيوصلنى
وعمال يحكيلى عن ياسمين
اشغل كاسيت العربية يقوولى
هو دة وقت كاسيت
النبى راايكوا اية
معقوولة نصيبهم يكون من النت
لا الفيس بوك


حد بيقوولى اية حكايتى مع الفيس بوك
هااقولوة خد جمب وخليك فى حالك
انا لسة مش عارفة
لما هعرف هااقولكم

هناك 4 تعليقات:

ماجد العياطي يقول...

والله الفيس بوء من وجهة نظري حاجه

عادية مجتمعه اشبه بمجتمع التدوين

اللي احنا فيه ده ... بس مختلف شويه

ولذلك انا مش شايف في حاجه

ولا انتي قصدك ايه

الأمير يقول...

السلاااااااااام عليكمممممممم

من زمااااان منورتيناش فقولنا نزوركم احنا




-------------
والله انا شايف انه حاجة عادية بس مش عادية !!!

يعني لو في صدق متبادل يبقى ايه المشكلة
وده قل ما نجده

بس المشكلة
ازاى نعرف ان هي صادقة وهو صادق وجاااادين في كلامهم

وازاي تقنع اهلها وهو ازاي يقنع اهله

يعني مافيش حد بياكلها بالساهل

ودمتم بخير .

د/عرفه يقول...

إمممممممممممممم


والله انا بقول انه ممكن جدا برضه

الفايس بوك أقرب عوالم النت للواقع

وقابلت فيه ناس محترمة جدا وبقوا اصحابى
وبنكلم بعض على طول

norahaty يقول...

دلوقتى بقى اسمه
دولة الفيس بوك
فعلا ومش هزار بقى
دووووووووووووووولة
فاضل له بس كررررررسى
فى الأمم المتحدة:)انا واحدة
من الناس كنت بقول:مين يطلع
الفيس بوك دا لحد ما أنشفطت له
اهـ بجد أنشفطت له وبقيت مشفوووطة
( http://norahaty2.blogspot.com/2010/04/blog-post_16.html